Ресей Ұлыбританияның Украинаға қару-жарақ жеткізілімін арттыруына наразылық білдіріп, мұның ауқымды салдары болуы мүмкін екенін мәлімдеді.

Ресей Сыртқы істер министрлігінің мәлімдемесінде Ұлыбританияның Киев билігіне ұшқышсыз ұшу аппараттары мен өзге де қару-жарақ жүйелерін жеткізуді көбейткені айтылды.

Осыған байланысты Ұлыбританияның Мәскеудегі елшілігінің уақытша сенімді өкілі Данаэ Дхолакия министрлікке шақырылған.

Мәлімдемеде: « Лондонның бұл әрекеттеріне наразылық білдірілді. Ұлыбританияның Украина мәселесінде ұстанып отырған текетірес саясаты қақтығыстың созылуына себеп болып, дағдарысты саяси жолмен реттеу мүмкіндігін барған сайын азайтып отыр.

 Лондон алыс қашықтыққа арналған қару-жарақ жеткізу арқылы Киев билігінің сыбайласына айналып отыр», — делінген.

Сондай-ақ Ұлыбританияның Киевке әскери қолдау көрсетуі халықаралық міндеттемелерге қайшы екені атап өтілді.

«Ұлыбританияның мұндай әрекеттері қауіп тудырады. Ұлыбританияның бұл саясатына жауап ретінде Ресей өзін-өзі қорғау құқығы аясында тиісті шаралар қолдануға құқылы екенін атап өтті.

Жағдайдың одан әрі нашарлауына Лондон жауапты болады. Ұлыбританияға шиеленісті күшейтуге бағытталған саясаттан бас тартып, халықаралық міндеттемелерін орындау жөнінде үндеу жасалды», — делінген мәлімдемеде.