ЕО Комиссиясының төрағасы Урсула фон дер Ляйен, ЕО Кеңесінің төрағасы Антониу Кошта және Қазақстан президенті Қасым-Жомарт Тоқаевтың Брюссельде өткен кездесуінен кейін тараптар арасындағы стратегиялық серіктестікті нығайтуға бағытталған шешімдер бойынша бірлескен мәлімдеме жарияланды.

ЕО мен Қазақстан арасында қол қойылған Авиациялық келісім әуе байланысын күшейтетіні және еуропалық әуе компанияларына жаңа коммерциялық мүмкіндіктер ұсынатыны атап өтілген мәлімдемеде бұл келісім аясында Қазақстанмен әуе қатынасы туралы келісімі бар ЕО-ның 17 мүше елі арасында барлық еуропалық әуе компанияларының рейс игеруіне жол ашылғаны атап өтілді.

Мәлімдемеде Еуропалық қайта құру және даму банкі мен Қазақстан үкіметінің Астанада маңызды шикізат материалдарына арналған, халықаралық аккредитациясы бар химиялық талдау зертханасын құру жөніндегі техникалық-экономикалық негіздемені қолдау мақсатында өзара түсіністік меморандумына қол қойғаны да жеткізілді.

ЕО-ның маңызды шикізат саласындағы ынтымақтастықты тереңдетуді көздейтініне назар аударылған мәлімдемеде аталған зертхананың сапа мен қауіпсіздік сынақтарының халықаралық стандарттарға сай жүргізілуіне үлес қосатынына тоқталынды.

Мәлімдемеде ЕО Комиссиясы мен Қазақстан арасында жүргізілген Визалық рәсімдерді жеңілдету туралы келісім және Реадмиссия (кейін шегіндіру) туралы келісім бойынша келіссөздердің сәтті аяқталғаны, бұл келісімдер күшіне енген жағдайда Қазақстан азаматтарының ЕО-ның қысқа мерзімді визаларына өтініш беру процесі жеңілдейтіні, ал Реадмиссия туралы келісім ЕО-ның көші-қон ережелерінің орындалуын қолдайтыны білдірілді.