Газа аймағындағы қазіргі бітімге араағайын болған Катар әмірі соңғы күндері Израильдің Газаға жасаған қанды әуе шабуылдарынан кейін11 күн бұрын күшіне енген бітімнің бұзылғанын айтып, Израильді айыптады.

Сейсенбі күні Шура мәжілісіне арналған жыл сайынғы жолдауында Шейх Тамим бин Хамад әл-Сани наразылық білдіріп, «Біз Израильдің Палестинадағы барлық заңбұзушылықтары мен әрекеттерін, әсіресе Газа секторын өмір сүруге қолайсыз аймаққа айналдыруын және бітімді үнемі бұзуын тағы да қатаң айыптаймыз», - деді.

Палестиналық тойтарыс тобы ХАМАС бұған дейін 10 қазан күні жасалған Газа бітімін орындау үшін халықаралық тараптарды Израильге қысым жасауға шақырған болатын.

Бітім келісіміне қол қойылғаннан бері Израильдің әуе шабуылдары салдарынан шамамен 100 палестиналық қаза тауып, 200-ден астам адам жараланды.

Хамас негізгі кедергілер мен Израильдің үйінділерді қарқынды бомбалауына қарамастан, израильдік тұтқындардың мәйіттерін қайтару үшін жұмыс істеп жатқандарын айтты.

Ұйым осы уақытқа дейін 20 тірі тұтқынды босатып, 13 адамның мәйітін шамамен 2 мың палестиналық тұтқынға айырбастады.

ХАМАС өкілі Хазым Касым Израильді бітімді бірнеше рет бұзды деп және гуманитарлық көмекті шектеу арқылы Газа халқына саяси қысым жасауға тырысты деп айыптады.

2023 жылдың қазан айынан бері жалғасып келе жатқан Израильдің геноцид шабуылдарынан 68 200-ден астам палестиналық қаза тапты және 170 000-нан астам адам  жараланды. Бұл  жағдай аймақтағы гуманитарлық дағдарыстың қаншалықты ауыр екенін айқын көрсетеді.