Беньямин Нетаньяху шетелдегі операцияларға жауапты барлау қызметі Моссадтың жаңа басшысы етіп өзінің әскери хатшысы, генерал-майор Роман Гоффманды тағайындады.

Нетаньяху кеңсесі "Әртүрлі кандидаттарды сұхбаттан өткізгеннен кейін, Беньямин Нетаньяху Мемлекеттік барлау ұйымы Моссадтың директоры лауазымына өзінің әскери хатшысы, генерал-майор Роман Гоффманды тағайындауға шешім қабылдады", — деп хабарлады.

Гоффман қазіргі Моссад басшысы Дэвид Барнеаның орнын басады. Мәлімдемеде айтылғандай, Барнеа бес жылдық қызметі 2026 жылғы маусым айында аяқталады.