“Түркия биыл жалпы орнатылған қуат көзінің ішінде жаңартылатын энергияның үлесін 60 пайыздан асырып отыр”, деп мәлімдеді Түркия президенті.
Президент Режеп Тайып Ердоған Нью-Йоркте өткен БҰҰ Климат саммитінде «Жаңартылатын энергияның үлесін арттырып, энергия тиімділігін жақсарта отырып, біз өнеркәсіпте төмен көміртекті технологияларды кеңейтудеміз. Биыл жалпы орнатылған қуат көзінің ішінде жаңартылатын энергияның үлесін 60 пайыздан асырдық», – деді
Президент инфрақұрылымды нығайтуға бағытталған жұмыстарды, соның ішінде электр көліктерін өндіру мен теміржол инвестицияларын атап өтті.
«2053 жылға арналған таза нөлдік шығарындылар мақсатына сәйкес, біз негізгі секторларды трансформациялауды жалғастырамыз», – деді ол.
Ердоған Түркияның ағымдағы бастамаларын, соның ішінде шығарындылар сауда жүйесін құру, жасыл қаржы стратегиясын енгізу және ұлттық жасыл таксономияны әзірлеу жоспарларын егжей-тегжейлі баяндады.
Ол елдің климаттық саясаты жеті негізгі бағытқа негізделгенін айтты: энергия, өнеркәсіп, ғимараттар, көлік, қалдықтар, ауыл шаруашылығы және орман шаруашылығы.
«Экономикада жүзеге асырылатын саясаттар арқылы біз 2035 жылға қарай шығарындыны 466 миллион тонна азайтып, жалпы 643 миллион тоннаға дейін төмендетуді мақсат етеміз», – деді Ердоған.
Ол Түркияның 2026 жылы “COP31” саммитін өткізуді мақсат еткенін білдірді.
