Трамп Лас-Вегаста бір шараға қатысып, жиі сынға ұшырап жүрген миграциялық саясатын қорғап сөз сөйледі.
Қызметке кіріскеннен кейін аз уақыт ішінде заңсыз мигранттардың кіруін тоқтатқанын айтқан Трамп: «30 күн ішінде миллиондаған, миллиондаған адамның елімізді басып алуын тоқтаттым. Ойлап қараңыздаршы, елімізді басып алып жатқан еді. Оңтүстік шекарамыздан елімізге 25 миллион адам келіп жатқан болатын», — деді.
Трамп соңғы 15 айда елге бірде-бір заңсыз мигранттың кірмегенін алға тартты.
«Мигранттар қылмысы кеселін» жою үшін жұмыс істеп жатқандарын айтқан Трамп: «Өткен аптада Испанияда не болғанын көрдіңіздер, 60 мыңнан астам мигрант шекараға ағылып, бір қаланы басып алды, жазықсыз азаматтарға шабуыл жасап, көшелерде талан-тараж жүргізді. Коммунистердің Америка үшін қалайтыны да осы», — деді.
Трамп АҚШ Иммиграциялық және кедендік бақылау (ICE) бөлімшелерінің ұстау және елден шығару әрекеттерін қолдайтынын білдіріп, «Біз әрқашан құқық қорғау органдарымыздың жанынан табыламыз», — деді.
