«Израиль соғыс басталғалы 6 000-нан астам әуе соққысын жасады»
Израильдік ресми тұлғаның айтуынша, шабуылдар Иран аумағындағы әскери нысандар мен зымыран инфрақұрылымын нысанаға алған.
Израильдің жоғары лауазымды әскери өкілі «Израиль 28 ақпанда АҚШ-пен шабуыл бастағалы бері Иран аумағында шамамен 3 400 нысанға 6 000-нан астам әуе соққысын жасады», - деді.
«The Washington Post» басылымына сұхбат берген ресми өкіл Израиль соққылары Иранның зымыран нысандары мен инфрақұрылымына бағытталғанын, сондай-ақ қауіп төндіретін басқа да нысандардың соққыға ұшырағанын мәлімдеді.
Оның айтуынша, бұл ˗ Иранның әскери әлеуетін әлсіретуді және Иранның Израильге қарсы зымыран жүйелерін әзірлеуіне немесе орналастыруына жол бермеуді мақсат ететін кең ауқымды операцияның бір бөлігі.
Ал Иран бұл шабуылдарға жауап ретінде Израиль аумағындағы нысандарға зымыран және ұшқышсыз ұшу аппараттарын ұшырғанын, сондай-ақ аймақта АҚШ пен Израильге тиесілі әскери нысандарға соққы бергенін хабарлады.