Грекия Израильден сатып алған “SPIKE NLOS” үлгісіндегі алыс қашықтыққа арналған зымыран жүйелерін кейбір аралдарға орналастырды деген ақпарат тарады.
“Onalert” жаңалықтар сайтының хабарлауынша, Грекия кейбір аралдарға “SPIKE NLOS” үлгісіндегі алыс қашықтыққа арналған зымыран жүйелерін орналастырған. Сондай-ақ жаңа жеткізілімдерді Шығыс Эгей мен Марица аймақтарына кезең-кезеңімен орналастыру жоспарланып отыр.
Хабарда бұл зымырандарды қолдану үшін арнайы дайындық қажет екені айтылды. Осыған байланысты әскери қызметшілерді даярлау үдерісін жеделдету көзделіп отырғаны және зымыран жүйелері әскери жаттығуларға да кезең-кезеңімен енгізілетіні атап өтілді.
Сондай-ақ “SPIKE NLOS” үлгісіндегі зымыран жүйелерін жеткізу жалғасып жатқаны, ал жыл соңына дейін тапсырыстың басым бөлігін қабылдап алу жоспарланғаны хабарланды.
