Түркия президенті Режеп Тайып Ердоған жұма күні Израиль шабуылдарының салдары көші-қон және ядролық зарар тұрғысынан аймақ пен Еуропаға зиян келтіруі мүмкін деді.
Президент аппараты жанындағы Коммуникация басқармасы жариялаған ақпаратқа қарағанда президент Ердоған Германия канцлері Фридрих Мерцпен телефон әңгімесінде Иранмен ядролық келіспеушіліктерді шешу жолы келіссөз үстелі екенін, Израильдің Иранға шабуылымен басталған қақтығыс процесі аймақтық қауіпсіздікке төнген қатерді арттырғанын айтты.
Президент аппараты жанындағы Коммуникация басқармасы «X» платформасында мәлімдеме жасады. Мәлімдемеде «Президентіміз Режеп Тайып Ердоған «Израиль шабуылдарының салдары көші-қон және ядролық зарар тұрғысынан аймақ пен Еуропаға зиян келтіруі мүмкін» деп ескертті», - делінген.
Президент Ердоған Израильдің Иранға шабуылымен басталған қақтығыстың аймақтық қауіпсіздікке төнген қатерді арттырғанын атап өтті. Екі ел басшылары телефон әңгімесінде екіжақты қарым-қатынастар мен аймақтық мәселелерді де талқылады.
