Сирия Сыртқы істер министрі Асад Хасан Шайбани Пәкістанға жасаған ресми сапарында Түркияны Сирияны қайта қалпына келтірудегі «негізгі серіктес» деп атады.
Осы айдың басында Түркия, Сауд Арабиясы және Пәкістан қол қойған Мекке бірлескен қорғаныс келісімі туралы қойылған сұраққа жауап берген Асад Хасан Шайбани Сирияның бұл мәселені қарастырып жатқанын білдірді.
Бұл бойынша шешімді алдағы уақытта қабылдайтындарын айтқан Шайбани Түркияны «Сирияны қайта қалпына келтірудегі негізгі серіктес» ретінде сипаттады.
Шайбани екі ел арасындағы 1000 километрден асатын шекара мен тарихи байланыстарға да назар аударды.
Шайбани Иранмен ықтимал байланыстарға қатысты бұл елдің ең алдымен Сирия халқына жасаған әрекеттерін мойындауы керектігін жеткізді.
АҚШ пен Иран арасындағы диалог процесіндегі Пәкістанның рөлін жоғары бағалаған Шайбани Исламабадтың әзірге Сирия мен Иран арасында қандай да бір дәнекерлік ұсыныс жасамағанын айтты.
Шайбани Пәкістанға жасаған сапарын «сәтті» деп бағалап, Пәкістан мен Сирияның министрліктер арасы бірлескен комиссияны қайта құру, тікелей әуе рейстерін жалғастыру, іскерлік кеңес құру және инвестициялық форум өткізу мәселелері бойынша келісімге келгенін хабарлады.
Екі тараптың да көзқарастары бір жерден шығатынын және екіжақты қарым-қатынастарды ең жоғары деңгейге көтергісі келетінін баса айтқан Шайбани Сирияның Пәкістандағы дипломатиялық қатысуын елші деңгейіне дейін арттыратынын білдірді.
