Ресейдің Киевке түнгі әуе шабуылы кезінде 14 адам жарақат алды, олардың төртеуі балалар екенін жексенбі күні Украин астанасының әскери әкімшілігі хабарлады.

Әкімшілік “Telegram” желісінде «Барлығы медициналық көмек алуда, кейбіреулері ауруханаға жатқызылды», – деп мәлімдеді.

Шабуыл нәтижесінде екі көпқабатты тұрғын үй зардап шеккенін Киев мэрі Виталий Кличко хабарлаған болатын.

Кличко тұрғын үйлердің тікелей нысанаға алынып алынбағаны туралы мәлімет бермеді.

Залалдың толық көлемі мен шабуылдың ауқымы әлі анықталған жоқ.

Екі тарап та бір-бірінің аумағына жасалған шабуылдарда бейбіт тұрғындарды нысанаға алуды жоққа шығарады. Алайда 2022 жылдың ақпанында басталған соғыста мыңдаған адам қаза тапты.