Түркия Президент аппараты жанындағы Коммуникация басқармасының басшысы Дуран Түркияның басты назары президент Режеп Тайып Ердоған жетекшілігімен дағдарыстарды шешу екенін айтып, елдің бейбітшілік пен тұрақтылыққа берік екенін жеткізді.
«Президентіміз Режеп Тайып Ердоғанның көшбасшылығымен Түркия осы күрделі кезеңде өңірлік тұрақтылықты қамтамасыз ету және халқымыздың тыныштығы мен қауіпсіздігін сақтау жолында батыл қадам басуды жалғастыруда», – деді ол.
«Мемлекеттік әнұранымыз «Қорықпа!» сөзінен басталады. Сондықтан тарихымыздан алған күш пен шабыт арқылы елімізге бағытталған қауіпке қарсы нық тұрып келеміз», – деп қосты ол.
Дуран әлеуметтік желідегі парақшасында президент Ердоғанның әлем көшбасшыларымен жүргізген дипломатиялық кездесулерінен кадрлар мен Әділет және даму партиясының отырысындағы сөзінен үзінділер жариялады.
«Біз әрдайым бейбітшілік пен тұрақтылықты қолдаймыз», – деді ол.
Сондай-ақ Түркияның қауіпке қарсы табанды ұстанымда екенін жеткізді.
