Басқарма Түркияның “Nsosyal” әлеуметтік желісіндегі мәлімдемесінде сәрсенбі күнгі кездесуде Түркия мен Судан арасындағы екіжақты қатынастармен қатар өңірлік және жаһандық мәселелердің талқыланғанын жеткізді.

Ердоған Түркия мен Судан ынтымақтастығын жаңа деңгейге көтеру көзделіп отырғанын айтып, Түркияның Суданның егемендігі мен аумақтық тұтастығына берік қолдауын жалғастыратынын мәлімдеді.

Президент сондай-ақ Анкараның Судандағы қақтығысты тоқтатуға және жағдайды қалыпқа келтіруге жәрдемдесу үшін күш салып отырғанын, Түркияның атысты тоқтату және жан-жақты саяси үдерісті бастауға бағытталған дипломатиялық бастамаларды қолдайтынын білдірді.

Кездесуге сондай-ақ Түркияның вице-президенті Джевдет Йылмаз, Сыртқы істер министрі Хакан Фидан, Энергетика және табиғи ресурстар министрі Алпарслан Байрактар, Ауыл және орман шаруашылығы министрі Ибрахим Юмаклы және Президент жанындағы Коммуникациялар басқармасы басшысы Бурханеттин Дуран қатысты.