Түркия Президент аппараты жанындағы Коммуникация басқармасы төрағасы Алтун әлемдік бейбітшілік үшін ақиқат пен әділеттілікке негізделген жаһандық түсіністік қажет екенін атап өтті.
Алтун сәрсенбі күні Анкарада Түркия Президент аппараты жанындағы Коммуникация басқармасы ұйымдастырған Түркия–Қытай медиа форумында: «Бейбітшілік пен тыныштық үшін ақиқат пен әділеттікке бағытталған түсіністіктің жаһандық деңгейде үстем болуы аса маңызды», – деді.
Ол сондай-ақ Түркия мен Қытай арасындағы қарым-қатынастың өзара құрметке, ынтымақтастық пен мәдени жақындыққа негізделгенін атап өтті.
«Жібек жолының рухын бойына сіңірген бұл қарым-қатынас бүгін медиа мен байланыс саласында да жаңа, берік негізге ие болуда», - деді Алтун.
Түркия бейбітшілік пен өркендеу үшін күресуде
Алтун: «Түркия тұрақтандырушы күшімен бейбітшілік және өркендеу үшін күресуде»,- деді.
«Осы көзқараспен еліміз соңғы дағдарыстардың барлығында жауапкершілікті өз мойнына алып, дипломатиялық кездесулер мен бейбіт келіссөздер жүргізді. Біздің негізгі мақсатымыз - барлық салада шындық пен әділдікті үстем ету. Мұның жолы халықаралық коммуникация экожүйесінде, сондай-ақ дипломатияда әділ өкілдікті қамтамасыз ету», - деп қосты ол.
Алтун бүкіл адамзаттың дауысын ести алатын және жалған ақпаратқа төзімді жаһандық медиа құрылымының әлем тыныштығының кілті екенін айтты.
Жалған ақпарат – «жалпыға ортақ мәселе»
Алтун цифрландыру мен жаңа коммуникациялық технологиялардың медиаға үлкен әсер ететінін айтты. Алайда бұл трансформацияның да қиындықтар туғызатынын атап өтті.
«Әсіресе жалған ақпарат, ықпал ету операциялары, жасанды мазмұнды манипуляциялау және цифрлық поляризация сияқты қауіптер тек бір ел немесе аймақ үшін ғана емес, жаһандық қоғам үшін де ортақ мәселе», - деді Алтун.
Ол шындықтың жойылуы жағдайында коммуникацияға сенім, ақпараттың нақтылығы және БАҚ этикасындағы жауапкершілік басым болуы керек екенін атап өтті.
«Мұның жолы көпжақты ынтымақтастық, өзара тәжірибе алмасу және халықаралық медиа ынтымақтастығы. Осыған байланысты біз Түркия-Қытай медиа форумын екі елдің ғана емес, әлемдік медиа қауымдастығының ортақ мүдделеріне қызмет ететін алаң ретінде дамытамыз», - деді Алтун.
Алтун Қытай сияқты дос және стратегиялық серіктес елдермен өзара тәжірибе және ақпарат алмасуға әрқашан басымдық беріп, бұл ынтымақтастықты жоғары бағалайтындарын мәлімдеді.
«Бұл форум да осы түсіністіктің бір көрінісі»,- деп атап өткен ол Түркия мен Қытайдың тек экономикалық ғана емес, өркениет негізіндегі ынтымақтастықты дамыту қабілетіне ие екі ел екенін айтты.
