Түркия Сыртқы істер министрі Хакан Фидан Босния және Герцеговина, Сербия, Солтүстік Македония және Черногория елдерінің сыртқы істер министрлерімен Стамбулда өткен Балқан бейбітшілік платформасының Сыртқы істер министрлері кездесуінің аясында жеке-жеке кездесті.
Сенбі күні Хакан Фидан Босния және Герцеговинаның Сыртқы істер министрі Элмедин Конаковичпен, Сербиядан Марко Дуричпен, Солтүстік Македониядан Тимко Мучунскимен және Черногориядан Эрвин Ибрахимовичпен кездесті. Бұл туралы Түркия Сыртқы істер министрлігінің “X” әлеуметтік желісіндегі ресми парақшасында хабарланды.
Кездесулер Стамбулда Түркияның бастамасымен бірнеше Балқан елінің қатысуымен ұйымдастырылған Балқан бейбітшілік платформасының алғашқы сессиясы аясында өтті.
Бұл платформа аймақ елдері арасында диалогты, өзара сенімді және ынтымақтастықты нығайтуды, сондай-ақ ортақ аймақтық мәселелерге тұрақты шешімдер іздеуді мақсат етеді.
