Біріккен Ұлттар Ұйымының Балалар қоры (UNICEF) Израильдің тоқтаусыз шабуылдары мен гуманитарлық көмекті шектеуі салдарынан Газада күн сайын орта есеппен 28 бала өлімі тіркелетінін мәлімдеді.
UNICEF дүйсенбі күні «X» платформасындағы жазбасында былай деп мәлімдеді: «Бомбалау салдарынан өлім. Тиімсіз тамақтану мен аштық салдарынан өлім. Көмек пен маңызды қызметтердің жетіспеуінен өлім»
Ұйымның айтуынша, Газада күн сайын бір сынып баласына тең, орта есеппен 28 бала өмірден өтуде.
UNICEF шұғыл гуманитарлық көмекке рұқсат беріп, қақтығыстарды тоқтатуға шақырды. Газадағы балалардың азық-түлікке, таза ауыз суға, дәрі-дәрмекке және қорғауға қатты мұқтаж екенін мәлімдеді.
Сондай-ақ ұйым: «Олардың ең басты қажеттілігі – атыстың тоқтатылуы. ДЕРЕУ, ҚАЗІР!», - деді.
Израильдің Газадағы геноциді
Израиль 2023 жылдың 7 қазанынан бері Газа секторында геноцид жасап келеді. Газа Денсаулық сақтау министрлігінің мәліметінше, осы уақытқа дейін 61 000-ға жуық палестиналық қаза тапқан, олардың жартысына жуығы әйелдер мен балалар. Он мыңдаған адам жараланған.
Бұл соғыс Газаның денсаулық сақтау және санитарлық инфрақұрылымын толығымен күйретіп, барлық ауруханалардың жабылуына себеп болды және аймақты ашаршылыққа ұшыратты.
Гуманитарлық көмек ұйымдары азық-түлік, дәрі-дәрмек пен жанармай жеткізу Израильдің шекарадағы шектеулеріне байланысты тоқтап тұрғанын хабарлады.
Халықаралық деңгейде артқан атысты тоқтату үндеулеріне қарамастан, Израиль геноцидін жалғастыруда. UNICEF және басқа да гуманитарлық ұйымдар бұл зорлық-зомбылық дереу тоқтатылмаса, Газадағы бала өлімі одан сайын артуы мүмкін деп ескертеді.
