БҰҰ-ның Палестина мәселелері жөніндегі арнайы баяндамашысы Франческа Альбанезе атысты тоқтату режиміне қарамастан Газа секторы мен басып алынған Батыс Шериядағы шабуылдарын қайта жалғастырған Израиль армиясын «ең арсыз армия» деп атады.
Альбанезе бұл туралы «X» әлеуметтік желісіндегі парақшасында жазды.
«Ең арсыз армия тағы да шабуыл жасап жатыр. Батыс Шерияда сарбаздар мен израильдік заңсыз қоныстанушылар су құбырларын кесіп жатыр», — деген Альбанезе Наблусқа қарасты Кусра елді мекенінің қоршауда қалып отырғанын атап өтті.
Ол Газада геноцидтің жалғасып жатқанын айтып, «Израиль 2025 жылдың қазанында атысты тоқтату келісімі күшіне енгеннен бері 1200-ден астам адамды өлтірді. Олардың 300-і — балалар», — деді.
Израиль армиясы 2023 жылдың қазанында Газа секторына шабуылдарын бастағаннан бері басып алынған Батыс Шерия мен Шығыс Иерусалимде палестиналықтарға қарсы рейдтер, шабуылдар мен қамауға алу әрекеттері айтарлықтай артқан.
