Израиль мен Ливан арасындағы тікелей келіссөздердің 6-шы кезеңі Италияның астанасы Римде басталды.
Бұған дейін дипломатиялық қатынастары жоқ екі елді 5 рет астана Вашингтонда бас қостырған АҚШ бұл жолы тараптар арасындағы келіссөздердің 6-шы кезеңіне Римде қабылдаушы тарап болып отыр.
Израиль мен Ливан делегациялары кеше таңертең АҚШ-тың Италиядағы елшілігіне келіп, келіссөз жүргізді.
Бірінші күннің келіссөздерін аяқтаған екі елдің делегациясы жергілікті уақыт бойынша сағат 17:00 шамасында елшіліктен шықты. Делегациялардың бүгін таңертең АҚШ елшілігінде қайта бас қосуы жоспарланды.
Израиль мен Ливан делегациялары 26 маусымда Вашингтонда өткен тікелей келіссөздердің 5-ші кезеңінен кейін қол қойылған, Хезболланы қарусыздандыруды және Израиль әскерлерінің басып алынған Ливан жерлерінен кезең-кезеңімен шығарылуын көздейтін негіздемелік келісімнің егжей-тегжейін талқылап жатқаны хабарланды.
