АҚШ президенті Дональд Трамп Иранға жасалған шабуылдар мен экономикалық санкциялардың Израильмен қатар Таяу Шығысқа көмектесу мақсатында жүзеге асырылғанын мәлімдеді.

Дональд Трамп Ақ Үйде ұйымдастырылған кешкі ас барысында Иранға қатысты пікір білдірді.

Иранға қарсы шабуылдар мен экономикалық санкциялардан кейін ел экономикасы «толығымен күйреді» деп мәлімдеген Трамп: «Мұның бәрін 99 пайыз Таяу Шығысқа және Израильге көмектесу үшін жасап жатырмыз. Сонымен қатар өзімізге де көмектесіп жатырмыз. Өйткені олар Израильді жойғаннан кейін Таяу Шығысқа, одан соң Еуропаға және біздің кейбір қалаларымызға шабуыл жасайды. Ал мұны олар үлкен ықыласпен жасар еді. Себебі АҚШ оларды жоймас бұрын олар бірнеше қаланы жойып үлгеруі мүмкін», – деді.

Трамп Ормуз бұғазының АҚШ-тың бақылауында екенін айтып, мұнай тиелген кемелердің бұғаз арқылы өтетінін жеткізді.

АҚШ президенті бұған дейінгі мәлімдемесінде Иранға қалаған уақытта қайтадан шабуыл жасауға дайын екенін айтқан және Ормуз бұғазының толықтай АҚШ бақылауында екенін алға тартқан болатын.