Сыртқы істер министрлігі: «Нетаньяхудың жалғыз мақсаты – палестиналықтарды өздерінің ата жұртынан алыстату және өңірде бейбітшілік пен тұрақтылықтың орнауына кедергі жасау», – деп мәлімдеді.

Министрлік мәлімдемесінде былай делінген: «Газадағы Бейбітшілік жоспарын жүзеге асыруға мүмкіндік беретін жол картасы бойынша келісімге қол жеткізілгеннен кейін бірден Израильдің Газада 30-дан астам бейбіт тұрғынды өлтіруі және денсаулық сақтау нысандарын нысанаға алуы Нетаньяху үкіметінің палестиналықтармен бейбітшілік орнатуға ниеті жоқ екенін тағы бір рет көрсетті.

Нетаньяхудың жалғыз мақсаты – палестиналықтарды өздерінің ата жұртынан алыстату және өңірде бейбітшілік пен тұрақтылықтың орнауына кедергі келтіру. Осы мақсатта ол өңірдегі әлсіз тепе-теңдікті бұзатын әрекет жасаудан және ең алдымен АҚШ бастаған делдал елдердің күш-жігеріне нұқсан келтіруден тартынбайды.

Таяу Шығыстың түгелін қақтығыс аймағына айналдырғысы келетін Нетаньяхудың экспансионистік және милитаристік ұстанымына қарсы халықаралық қауымдастықтың бұдан да батыл, дәйекті әрі пәрменді ұстаным танытуы енді қажеттілікке айналды.

Өңіріміз бен Палестинаның бейбітшілік пен әл-ауқатқа қол жеткізуін қолдайтын барлық елді ортақ жауапкершілік рухымен әрекет етуге, халықаралық құқық пен гуманитарлық құндылықтарды қорғауға шақырамыз».