Президент Режеп Тайып Ердоған АҚШ президенті Дональд Трамппен телефон арқылы сөйлесті.
Түркия Президенті әкімшілігінің Коммуникация басқармасы таратқан мәлімдемеге қарағанда, Ердоған мен Трамптың әңгімесінде Түркия-АҚШ қарым-қатынастарымен қатар аймақтық және жаһандық мәселелер талқыланды.
Президент Ердоған Иран мен АҚШ арасындағы текетіресте дипломатияның мүмкіндіктерін барынша тиімді пайдаланудың маңызды екенін, келіссөздердің жалғасуын тілейтіндерін және Түркияның бейбітшілік орнату күш-жігеріне қолдау көрсетуді жалғастыратынын білдірді.
Әңгіме барысында Ердоған Пәкістан және Сауд Арабиясымен бірге (өткен аптада) қол қойылған Бірлескен қорғаныс келісімі арқылы аймақтық тұрақтылық пен қауіпсіздікті қамтамасыз ету бағытында мықты ұстаным танытқандарын атап өтті.
Президент сонымен бірге Газадағы бейбітшілік процесінің екінші кезеңіне өту көзделген кезеңде Израиль билігінің палестиналықтарға бағытталған агрессиялық әрекеттерінің жиілегенін айтып, Түркия ретінде аймақта тұрақты бейбітшілік орнатуға және Газаны қайта қалпына келтіру үшін жасалатын қадамдарға қолдау көрсетуді жалғастыратындарын баса айтты.
