Киев қаласының мэрі Виталий Кличко әлеуметтік желідегі парақшасында Ресейдің Украина астанасына зымыранмен шабуыл жасағанын мәлімдеді.
Кличконың айтуынша, алдын ала мәлімет бойынша, шабуыл салдарынан 8 адам қаза тауып, 33 адам жараланған.
Қаланың әртүрлі ауданында ғимараттар зақымданғанын айтқан Кличко: «Соломянский ауданында балалар ауруханасының ғимараты зақымданды», - деді.
Украина Мемлекеттік төтенше жағдайлар қызметі Киевтің Святошинский, Дарницкий және Соломянский аудандарында іздестіру-құтқару жұмыстары жалғасып жатқанын хабарлады.
Мәлімдемеде Ресей армиясының Украинаның Житомир облысына да шабуыл жасағаны айтылды. Шабуыл салдарынан 2 адам қаза тауып, 40 адам жараланған.
Сондай-ақ шабуыл салдарынан аймақтағы полиция бөлімшелерінің бірінде өрт шыққаны хабарланды.
