Тарихи Айя-София Ұлы мешітінің 2020 жылдың шілде айында музейден мешітке айналдырылғанына бес жыл толды.
Түркия Президенті Режеп Тайып Ердоған “X” әлеуметтік желісінде осы мерейтойға арнап хабарлама жариялады. “Бес жыл бұрын біз Айя-Софияны азанға қайта қауыштырдық. Алла қаласа, ол мәңгі еркін болып қалады,” деді Ердоған.
Оның жазбасында Айя-Софияны Діни істер басқармасына беру және оны ғибадатқа ашу туралы Ресми газетте жарияланған Президент Жарлығы да қамтылды.
Ғибадат орны және туристік нысан
Айя-София 916 жыл бойы шіркеу ретінде қызмет етіп, Стамбул жеңісінен кейін 1453 жылдан 1934 жылға дейін шамамен 500 жыл мешіт болды, ал соңғы 86 жылда музей ретінде жұмыс істеді.
2020 жылдың 19 шілдесінде Түркия соты 1934 жылғы Айя-Софияны музейге айналдырған Министрлер кабинетінің қаулысын жойып, оны мешіт ретінде пайдаланудың жолын ашты.
2020 жылдың 24 шілде жұма күні Айя-София Ұлы мешітінде 86 жылдан кейін алғаш рет мұсылмандық ғибадат рәсімдері өтті.
Мешіт болуымен қатар, Айя-София Түркияның ең танымал туристік бағыттарының бірі болып табылады және отандық және шетелдік келушілер үшін ашық.
1985 жылы Айя-София ЮНЕСКО-ның Бүкіләлемдік мұра тізіміне енгізілді.
