«ROKETSAN» компаниясы қысқа қашықтыққа арналған «KARAOK» танкіге қарсы қару жүйесінің алғаш рет әуе нысанасын сәтті жойғанын мәлімдеді.

Компанияның әлеуметтік желідегі парақшасында: «Ұрыс алаңындағы шапшаң күш «KARAOK» алғаш рет әуедегі нысананы сәтті жойды. Құрлықтағы нысаналарға қарсы тиімділігін енді әуе нысандарына да көрсете бастаған «KARAOK» арқылы түрлі қауіп-қатерлерге қарсы жан-жақты әрекет ету мүмкіндігімізді күшейтіп жатырмыз», – делінген.

«KARAOK» инфрақызыл бейнелеу жүйесі бар бағыттау тетігінің арқасында күндіз де, түнде де қолданылуға қабілетті. Сондай-ақ сауытты тесіп өту мүмкіндігі оның ұрыс алаңындағы тиімділігін арттырады.

«KARAOK» тұрақты және қозғалыстағы нысаналарға қарсы қолданылады.