Ресей Төтенше жағдайлар министрлігі сейсенбі күні жасаған мәлімдемесінде 27 тонна гуманитарлық жүк тиелген арнайы ұшақтың кеше түнде Ливанға қарай бағыт алғанын хабарлады.
Министрлік көмектің құрамына мобильді электр станциялары, азық-түлік, шатыр, көрпе және ұйықтауға арналған жиынтық кіретінін атап өтті.
Мәлімдемеде «Министрлікке тиесілі «Ил-76» ұшағында 27 тоннадан астам жүк бар. Оларға мобильді электр станциялары, азық-түлік өнімдері, шатырлар, көрпелер, матрастар мен жастықтар кіреді», – делінген.
Министрлік бұл көмектің президент Владимир Путин мен Төтенше жағдайлар министрі Александр Куренковтың тапсырмасы негізінде ұйымдастырылғанын растады.
Сондай-ақ мәлімдемеде Бейруттан Мәскеуге қайтар жолда Ресей азаматтары мен олардың отбасы мүшелері елге жеткізілетіні айтылды.
