Министр Ибрахим Юмаклы Дүниежүзілік шөлейттену және құрғақшылықпен күрес күніне орай «NSosyal» парақшасында мәлімдеме жариялады.
Юмаклы ортақ үйіміз Жерді келер ұрпаққа жасыл әрі өміршең мұра ретінде қалдыруға жауапкершілікпен қарайтындарын атап өтті.
Оның айтуынша, осы мақсатта елдің түкпір-түкпірінде ағаш отырғызу жұмыстары жүргізіліп, орман алқаптары ұлғайтылып келеді. Сондай-ақ «Суда нөлдік ысырап» тұжырымдамасы аясында қолға алынған су үнемдеу науқаны Ұлттық су кеңесі мен өңірлік су кеңестерінің жұмысы арқылы су ресурстарының әр тамшысын қорғауға бағытталған саясат жүзеге асырылып жатыр. Юмаклы климаттың өзгеруіне байланысты да жүйелі шаралар қабылданып жатқанын айтты.
Министр бүгін Дүниежүзілік шөлейттену және құрғақшылықпен күрес күні екенін еске салып: «Орманды, суды және топырақты қорғау – болашағымызды қорғау демек. Жасыл Түркия үшін халқымызбен иық тіресе еңбек етуді жалғастырамыз», – деді.
