Мугайир ауылдық кеңесінің төрағасы Эмин Әбу Алия Палестинаның «WAFA» ресми агенттігіне берген мәлімдемесінде Израиль әскерлері мен Палестина жерін басып алған израильдіктердің Рамалла маңындағы Мугайир ауылына басып кіргенін мәлімдеді.
Әбу Алия Израиль әскерлерімен бірге ауыл орталығына қарай жылжыған израильдіктердің палестиналықтарға тиесілі екі үйге шабуыл жасап, олардың қойларын ұрлап әкеткенін жеткізді.
Оның айтуынша, Израиль армиясының мергендері ауыл орталығындағы ғимараттарға орналасқан. Қойларды ұрлаған израильдіктер мен жергілікті тұрғындар арасында жанжал туындаған кезде әскерлер оқ атқан.
Әбу Алияның мәліметінше, атылған оқтан екі жас палестиналық ауыр жараланған. Олар медициналық көмекке қарамастан көз жұмған.
Палестина Денсаулық сақтау министрлігі таратқан мәлімдемеде: «Израиль армиясының Мугайир ауылына оқ жаудыруы салдарынан 19 жастағы Омар Мұхаммед Наджи Наасан мен 16 жастағы Халил Расим Халил Шахаде қаза тапты», – делінген.
