Сенаторлар Крис Мерфи, Крис Ван Холлен, Брайан Шатц, Тим Кейн, Берни Сандерс, Мэйзи Хироно және Джефф Меркли Катарға құны 1,9 миллиард доллар тұратын “MQ-9 Reaper” ұшқышсыз ұшу аппараттарын және Біріккен Араб Әмірліктеріне 1,3 миллиард долларлық “Chinook” тікұшақтарын сатуға тосқауыл қою үшін Сенатта дауыс беруді талап еткен болатын.
Алайда екі қарар жобасы да 39 дауысқа қарсы 56 дауыспен қабылданбады.
Сенатта дауыс беру алдында әріптестеріне үндеу жасаған сенатор Мерфи бұл елдердің АҚШ-тың аймақтағы маңызды серіктестері екенін атап өтіп, "Біз бұл елдермен әскери қатынастарымызды түбегейлі тоқтатамыз деп тұрғанымыз жоқ. Алайда бұл екі ел президентке сый-сияпат ұсынуға әзір болып отырған жағдайда біз қалыпты үдерісті мақұлдай да, қолдай да алмаймыз."- деді.
Президент Трамп мамыр айында Таяу Шығысқа жасаған сапары кезінде Катардан сый ретінде ұсынылған “Boeing 747-8” ұшағын қабылдайтынын айтып, былай деген еді: "Егер біреу бұл сыйды еліміз атынан қабылдамаса, нағыз АҚЫМАҚ болар еді."
Шамамен 400 миллион доллар тұратын деп бағаланған бұл ұшақ сыйы Республикалықтар мен Демократтар тарапынан этикалық және құқықтық сауалдар тудырды.
