Түркия президенті аппараты жанындағы Коммуникация басқармасының басшысы Бурханеттин Дуран Анкарада өткен Түркі Мемлекеттері Ұйымының 13-ші саммитіне орай әлеуметтік желіде жазба жариялады.
«Түркі әлемі – ортақ тарихи жадыдан нәр алған, тілі, мәдениеті мен өркениеттік мұрасы ғасырлар бойы өзара байланыстырып келген үлкен бауырластық мекені. Бүгінде осы терең тарихи байланыстар Түркі Мемлекеттері Ұйымының аясында ортақ ерік-жігерге, ынтымақтастыққа және нақты бірлескен жобаларға ұласып отыр».
Дуран 2026 жылғы ТМҰ Анкара саммитінің ортақ болашағымызды қалыптастыруға деген ерік-жігеріміз бен түркі әлеміндегі ынтымақтастықты одан әрі нығайтуға деген табандылығымыздың маңызды көрінісі екенін атап өтті.
«Президентіміз Режеп Тайып Ердоғанның басшылығымен түркі әлемімен қарым-қатынасымызды барлық салада дамытып, болашаққа нық қадам басып келеміз. Өткенімізден күш алып, бауырластығымызды келер ұрпаққа жеткізетін, әл-ауқаты жоғары, қуатты әрі бірлігі бекем түркі әлемін қалыптастыру жолында еңбек етіп жатырмыз», – деді ол.
