Түркия Сыртқы істер министрі, Қорғаныс министрі мен Барлау қызметінің басшысы осы аптада Пәкістанға барып, Оңтүстік Азияда орнаған атысты тоқтату келісімі бойынша Ауғанстанмен арасы жиі үзіліп тұратын келіссөзді талқылайды. Бұл туралы президент Режеп Тайып Ердоған хабарлады.

Бакуден ораларда ұшақта журналистерге мәлімдеме жасаған Ердоған Пәкістан премьер-министрі Шахбаз Шарифпен кездескенін айтты. Ол үшжақты сапардың мақсаты Исламабад пен Кабул арасында атысты тоқтату мен бейбітшілік туралы келісімге мүмкіндігінше тез қол жеткізу екенін білдірді.

Бакуде сенбі күні өткен кездесу кезінде Ердоған “Түркия Пәкістандағы террористік шабуылдар мен Пәкістан мен Ауғанстан арасындағы шиеленісті «ыждағатпен бақылап отыр» деді және Түркия бастамасымен өткен келіссөздердің екі ел арасындағы ұзақ мерзімді тұрақтылыққа апаратын нәтижелерге ұласатынына үміт білдірді.

Сонымен қатар ол Түркия мен Пәкістанның сауда, энергетика және қорғаныс өнеркәсібі секілді әртүрлі салада ынтымақтастықты одан әрі нығайту үшін жұмыс істеп жатқанын айтты.