Қазақстан Энергетика министрі Ерлан Ақкенженов кен орнындағы өндіріс тәулігіне шамамен 25 пайыз қысқартылып, 34 мың тоннадан 25 мың тоннаға азайғанын мәлімдеді.
2024 жылы тәулігіне шамамен 263 мың баррель мұнай өндірген кен орны өнімін Каспий құбыр консорциумы арқылы Қаратеңіз порттарына немесе Ресейдің Германияға дейін созылатын «Дружба» құбыры арқылы экспорттайды.
Сондай-ақ кен орны Ресейдегі Орынбор зауытына өңделмеген газ жеткізеді.
Қарашығанақ жобасының акционерлері қатарында «Chevron» мен «Shell», сондай-ақ италиялық «Eni», ресейлік «Лукойл» және қазақстандық «ҚазМұнайГаз» бар.
Украина Ресейдегі мұнай-газ нысандарына шабуыл жасау арқылы Ресейдің қаржыландыру мүмкіндігін шектеуді көздеп отыр.
Министр Ақкенженов Ресейдің Қазақстаннан ресми түрде жанармай сұрамағанын мәлімдеді.
Бұған дейін төрт дереккөз «Reuters» агенттігіне мұнай өңдеу зауыттарындағы іркілістер мен жоспардан тыс жөндеу жұмыстары салдарынан ішкі нарықта жеткізілім мәселесіне тап болған Ресей Қазақстаннан шамамен 50 мың тонна «АИ-92» дизель отынын алу жөнінде келіссөз жүргізіп жатқанын хабарлаған болатын.
