Түркия президенті Режеп Тайып Ердоған және басқа да әлем көшбасшылары тарихи G20 саммиті үшін Оңтүстік Африканың Йоханнесбург қаласында жиналды. Саммит 22–23 қарашаға жоспарланған.

Ердоғанды Оңтүстік Африканың Тұрғын үй мәселелері министрі Тембисиле Симелане, Түркия елшісі Кезбан Нилвана Дарама Йылдырымгеч және басқа ресми тұлғалар қарсы алды.

Президентке жұбайы Емине Ердоған, Сыртқы істер министрі Хакан Фидан, Қаржы және қазына министрі Мехмет Шимшек, Президент әкімшілігінің басшысы Хасан Доған, Коммуникация басқармасы төрағасы Бурханеттін Дуран, сыртқы саясат пен қауіпсіздік жөніндегі басты кеңесші Акиф Чағатай Кылыч, АК партия төраға орынбасары әрі спикері Өмер Челик және басқа да жоғары лауазымды тұлғалар серік болды.

Саммит барысында Ердоғанның екі сессияға қатысуы, бірнеше басшымен кездесу өткізуі және мемлекет басшылары мен үкімет жетекшілеріне арналған кешкі асқа қатысуы жоспарланды.

АҚШ пен Оңтүстік Африка арасындағы шиеленіс

Демалыс күндері өтетін саммитке әлемнің ең бай және дамып келе жатқан 18 экономикасының өкілдері қатысады, алайда арасында АҚШ жоқ. Вашингтон Оңтүстік Африканың жиын өткізуін «масқара» деп бағалап, келіссөздерге қатыспауға шешім қабылдады.

G20 19 мемлекетке Еуропалық Одақ пен Африка Одағын да қосқанда 21 мүшеге дейін кеңейді. Бұл формат бай және кедей елдерді бірік­тіріп, әсіресе жаһандық экономикаға қатысты мәселелерді шешуге бағытталған.

БҰҰ, Дүниежүзілік банк және басқа халықаралық институттардың жетекшілері дәстүр бойынша саммиттерге қонақ ретінде қатысады. БҰҰ Бас хатшысы Антониу Гутерриш те Йоханнесбургке келді.