«TRT» телерадиокомпаниясы ақпараттық серіктес болған және биыл 21-24 мамыр аралығында өтетін фестивальдің ьеташары Стамбул Ататүрік әуежайында құрылған Хан шатырының алдында оқушылардың «Гүлбанк» дәстүрімен көрсеткен қойылымымен басталды. Бұдан кейін Стамбул тарихи түрік музыкалық ансамблінің мехтер (әскери оркестр) тобы өнер көрсетті.

Ашылу салтанатында сөз сөйлеген Дүниежүзілік этноспорт конфедерациясының президенті Билал Ердоған фестиваль барысында мәдени құндылықтардың ұлықталатынын айтты.

Келушілерге ілтипат білдірген Ердоған фестиваль аясында балуандар күресі мен ат спорты ойын-сауықтары бастаған түрлі іс-шаралардың ұйымдастырылатынын атап өтті.

Фестиваль шеңберінде өтетін шараларда балалар мен отбасылардың төл мәдениетпен қауышатынын білдірген Ердоған: «Биыл да осы жерде 4 күн бойы мәдениетіміздің бай мұрасын бәріміз бірге сезінеміз. Балаларымызбен, үлкендерімізбен бірге отбасымызбен дәстүрдің лебін, рухын сезініп, дүниенің төрт бұрышынан келген өнерпаздарды, спортшылар мен мәдениет қайраткерлерін осы жерде бірге күтеміз. Бүгін бұл жерге келген балалар мәдени байлықтың қаншалықты құнды, қаншалықты маңызды екенін көріп, сезінеді», — деді.

Стамбул қаласының халықаралық маңызына назар аударған Ердоған балалармен бірге лентаны қиып, фестивальді ресми түрде ашты.