Сирия мен Сауд Арабиясы бейсенбі күні экономикалық қатынастарды нығайту мақсатында Дамаскіде алғашқы бірлескен инвестициялық форумын бастады. Форум аясында жалпы құны 6,4 миллиард долларды құрайтын ондаған келісімге қол қойылады.
Дамаскідегі президент сарайында өткен форум Сирия президенті Ахмед Шара мен Сауд Арабиясының инвестиция министрі Халид әл-Фалихтің төрағалығымен және саудиялық делегацияның қатысуымен ашылды.
Іс-шарада сөз сөйлеген әл-Фалих екі тараптың жалпы құны 24 миллиард сауд риалына (шамамен 6,4 миллиард доллар) тең 47 келісім мен меморандумға қол қоятынын мәлімдеді.
Бұл келісімдер өнеркәсіп, энергетика, құрылыс және киберқауіпсіздік сияқты кең ауқымды салаларды қамтиды.
Сондай-ақ әл-Фалих Сауд Арабиясында орналасқан “Bayt Al-Ibaa” компаниясы Хомс қаласында маңызды коммерциялық жобаны дамыту үшін ірі келісімге қол қоятынын айтты.
Жобадан түсетін табыстың Сириядағы қауымдастықтарды қолдауға бағытталатынын айтқан әл-Фалих форум аясында жалпы құны 4 миллиард риалға (шамамен 1,66 миллиард доллар) тең киберқауіпсіздік келісімдеріне де қол қойылатынын хабарлады.
Сирияның мемлекеттік ақпарат агенттігі «SANA»-ның хабарына қарағанда бұл келісімдер Сирияның 14 уәлаятында 50 000 жұмыс орнын құруға көмектеседі.
әл-Мустафа сәрсенбі күні өткен баспасөз мәслихатында: “Бұл келісімдер елдің барлық аймағын және барлық салаларын қамтиды. Елдің белгілі бір бөлігімен шектелмейді,” — деді.
Форум Дамаск пен Эр-Рияд арасындағы қарым-қатынастың Сириядағы саяси өзгерістерден кейін біртіндеп жақсара бастағанын көрсететін маңызды бетбұрыс ретінде бағаланып отыр.
2024 жылдың соңында Башар Асад режимінің құлағаннан кейін Сирияның жаңа билігі экономикалық және саяси реформаларды жүзеге асырып, аймақтық және халықаралық серіктестерімен ынтымақтастықты нығайтуға бағытталған қадамдар басуда.
Шамамен 25 жыл бойы елді басқарған Асад желтоқсан айында Ресейге қашып кеткен болатын. Осылайша 1963 жылдан бері билікте болған Баас партиясының режимі аяқталды. Ал қаңтар айында Ахмед Шараның жетекшілігімен жаңа өтпелі үкімет құрылды.
