Түркия әлеуметтік желілерде тараған «Анкара Сомалидегі әскери күшін белгілі бір саяси тұлғаны қолдау мақсатында пайдаланып отыр» деген ақпаратты жоққа шығарды.
Сәрсенбі күні «Nsosyal» әлеуметтік платформасында жарияланған мәлімдемеде Түркияның Жалған ақпаратпен күрес орталығы бұл айыптауларды «шындыққа жанаспайтын ақпарат» деп атады.
Мәлімдемеде Түркияның Сомали Федералдық үкіметімен ұзақ жылдар бойы заңды әрі халықаралық құқыққа сәйкес ынтымақтастық жүргізіп келе жатқаны атап өтілді.
Сондай-ақ мәлімдемеде: «Сомалидегі түрік әскери күштері мен оқу-жаттығу қызметі Сомали ұлттық армиясы құрылымын қайта жасақтауға, қауіпсіздік институттарын жаңғыртуға және терроризммен күресті арттыруға бағытталған», - делінді.
Сондай-ақ түрік әскери бөлімінің Сомалидегі сайлау үдерістері мен елдің ішкі саяси ахуалына ешқандай қатысы жоқ екені айтылды.
Мәлімдемеде Түркияның Сомалидегі демократиялық үдерістердің бейбіт түрде жалғасуын қолдайтыны атап өтіліп, Сомали халқына және елдің егемендігіне толық құрмет көрсетілетіні баса айтылды.
