АҚШ президенті Дональд Трамп Анкарада өтетін НАТО саммитіне Түркия президенті Режеп Тайып Ердоғанға деген құрметі үшін қатысатынын, егер жиын басқа елде ұйымдастырылса, бармауы мүмкін екенін айтты.
Сәрсенбі күні Ақ Үйде журналистерге мәлімдеме жасаған Трамп Түркияны НАТО-дағы ең ірі әскери күштердің бірі деп атап, елдің әскери мүмкіндіктері көп жағдайда лайықты бағаланбайтынын жеткізді. Ол Түркияның ауқымды әскери техника қорына және Вашингтонмен көпжылдық қорғаныс саласындағы ынтымақтастығына назар аударды.
«Егер саммит Түркияда өтпесе, қатыспаушы едім. Мен президент Ердоғанға деген құрметім үшін Түркияға барамын», – деді Трамп.
Сонымен қатар Түркияның «F-35» жойғыш ұшақтары мен олардың қозғалтқыштарына қатысты өтініші жөнінде қойылған сұрақ Трамп: «Түркияны қатты қуантатын қадам жасауымыз әбден мүмкін» деп жауап берді.
Түркия 7–8 шілде күндері Анкарада өтетін НАТО саммитіне дайындалып жатыр.
Ал НАТО Бас хатшысы Марк Рютте Түркияның өте ірі қорғаныс өнеркәсібі инфрақұрылымына ие екенін атап өтті.
