Армения премьер-министрі Никол Пашинян елінің Әзербайжанмен жасалған бейбіт келісім жобасына қол қоюға дайын екенін мәлімдеді.
"Армения мен Әзербайжан арасындағы келісім жобасы мақұлданды және қол қоюды күтуде. Мен оған қол қоюға әзірмін", – деді Пашинян сәрсенбі күні “X” платформасындағы жазбасында.
Пашинянның бұл мәлімдемесі Әзербайжан мен Арменияның өткен бейсенбіде жеке-жеке жасаған хабарламаларынан кейін жарияланды. Тараптар ондаған жылға созылған қақтығысты аяқтау және Баку мен Ереван арасындағы дипломатиялық қарым-қатынасты орнату үшін бейбіт келісім жобасы бойынша өзара келісімге келгендерін мәлімдеген еді.
Бұрынғы екі Кеңес республикасы арасындағы қарым-қатынастар 1991 жылы Арменияның халықаралық деңгейде Әзербайжан жері ретінде танылған Қарабақ пен оған іргелес жеті ауданды басып алуымен шиеленісе түсті.
Әзербайжан 2020 жылғы күзде 44 күнге созылған соғыс нәтижесінде бұл аумақтардың басым бөлігін азат етіп, Ресейдің араағайындығымен жасалған бейбіт келісім аймақтың қалыпқа келуіне және шекараларды белгілеуге жол ашты.
Ал 2023 жылдың қыркүйегінде Әзербайжан аймақтағы сепаратистік күштердің берілуімен Қарабақта толық егемендігін орнатты.
