Конго Демократиялық Республикасында (КДР) жалғасып жатқан Эбола індетінен қаза тапқандар саны 3 мың 982-ге, ал жұқтырғандар саны 8 мың 224-ке жетті.

КДР Денсаулық сақтау министрлігінің соңғы мәліметіне сәйкес, 2 мың 121 адам сауығып шыққан. Індеттен көз жұму көрсеткіші 48,4 пайызды құрады.

Індет таралған 7 уәлаяттың 63 аймағында науқастарды емдеу, вирустың таралуына жол бермеу және медицина қызметкерлерінің мүмкіндігін арттыру жұмыстары жалғасып жатыр.

Эбола Африкада мыңдаған адамның өмірін қиды

Қанды безгекке әкелетін Эбола вирусы алғаш рет 1976 жылы Суданның Нзара және КДР-дың Ямбуку елді мекендерінде бір мезгілде тараған індет кезінде анықталған.

КДР-дағы індет Эбола өзеніне жақын ауылда басталғандықтан, ауруға осы өзеннің атауы берілген.

Эбола вирусы 2013 жылдың желтоқсанында Батыс Африкада тарала бастады. Гвинея, Либерия және Сьерра-Леонеде 2014–2017 жылдары болған індет кезінде 30 мың адам вирус жұқтырып, 11 мыңнан астам науқас қайтыс болды.

КДР-дың шығысындағы Итури уәлаятында 246 күдікті жағдай мен 65 өлім тіркелгеннен кейін 15 мамырда Эбола індеті жарияланды.

Денсаулық сақтау мамандарының мәліметінше, мамыр айында тарала бастаған Эболаның «Бундибугио» нұсқасына қарсы әзірге ресми мақұлданған ем немесе вакцина жоқ.