“Bloomberg News” ақпарат құралының хабарлауынша, “Meta Platforms” жасанды интеллект саласында жұмыс істейтін ” Scale AI “ компаниясына 10 миллиард доллардан асатын инвестиция салу туралы келіссөздер жүргізуде.

Жағдаймен таныс тұлғалар келісімнің шарттары әлі толық аяқталмаған және өзгеруі мүмкін екенін білдірді.

“Scale AI” бұл жағдайға түсініктеме беруден бас тартты, ал “Meta” компаниясы “Reuters” агенттігінің сұрағына жауап бермеді.

2016 жылы құрылған “Scale AI” - “ Nvidia”, “Amazon” және “Meta” сияқты технологиялық алпауыттар қолдаған деректерді таңбалау стартапы.

Соңғы бағасы шамамен 14 миллиард долларға жеткен “Scale AI” жасанды интеллектке қатысты ақпарат алмасу үшін зерттеушілерге арналған платформа да ұсынады, оған 9 000-нан астам қала мен елді мекеннен қатысушылар үлес қосуда.