АҚШ Орталық қолбасшылығы АҚШ күштерінің Парсы шығанағы аймағында Иранға тиесілі көптеген зымыран мен ұшқышсыз ұшу аппаратын тойтарғанын мәлімдеді.
Қолбасшылықтың сәрсенбі күнгі мәлімдемесінде: «АҚШ күштері Иранның Таяу Шығыстағы шабуылына жауап ретінде Кешм аралына шабуылдады және көптеген баллистикалық зымыран мен ұшқышсыз ұшу аппараттарын сәтті тойтарды», – деді.
Қолбасшылық «X» желісіндегі кейінгі хабарламасында түнде Кувейттегі АҚШ күштеріне шабуыл жасауға әрекеттенген Иранның ұшқышсыз ұшу аппараттарының нысанаға жете алмағанын атап өтті.
Мәлімдемеде АҚШ әуе қорғанысының көптеген ұшқышсыз ұшу аппаратын атып түсіргені және америкалық әскери қызметкерлер мен нысандарға ешқандай зиян келмегені айтылды.
Зымырандар Кувейт пен Бахрейнге бағытталды
Қолбасшылықтың хабарлауынша, Кувейтке қарай ұшырылған екі ирандық зымыран нысанаға жетпей, жолда жойылған. Ал Бахрейнге бағытталған үш зымыранды АҚШ пен Бахрейннің әуе қорғаныс күштері дереу тойтарған.
Сондай-ақ қолбасшылық Иранның аймақтағы су айдынында жүзіп бара жатқан азаматтық кемелерге қарай ұшырған үш шабуылдаушы аппаратын да атып түсіргенін мәлімдеді.
