Түркия мен Ұлыбритания сәрсенбі күні Стамбулда өткен халықаралық қорғаныс өнеркәсібі жәрмеңкесі аясында осы тақырыпта келісімге қол қойғандарын хабарлады.

Түркия Қорғаныс министрі Яшар Гүлер мен Ұлыбритания Қорғаныс министрі Джон Хили кездесіп,  келісімге қол қойды. Бұл қорғаныс саласындағы ынтымақтастыққа басылған маңызды қадам болды.

Түркия Қорғаныс министрлігі мәлімдемеде Түркияның «Eurofighter» интеграциясына қатысты Ұлыбританиямен толық келісімге келгенін айтты.

Президент Режеп Тайып Ердоған мен Ұлыбритания премьер-министрі Кир Стармер телефон әңгімесінде келісімді  талқылағаннан кейін бір күн өткен соң меморандумға қол қойылды.

Түркия Германия, Ұлыбритания, Италия және Испания бірлесіп шығарған 40 дана «Eurofighter» ұшағын сатып алу үшін келіссөз жүргізуде.

Анкара бұл ұшақтарды сатып алу туралы өтінішін алғаш рет 2023 жылдың наурыз айында жіберген болатын.

Германиядан жеткізілетін құрамдас бөліктермен Ұлыбританияда шығарылатын «Eurofighter Typhoon» әлемдегі ең озық 4,5-ші буын көп мақсатты жауынгерлік ұшақтардың бірі.

Осы келісім арқылы Түркия әуе күштерінің мүмкіндіктерін әртараптандыруға тағы бір қадам басып, НАТО-ның негізгі одақтастарымен қорғаныс саласында ынтымақтастығын нығайтуда.

НАТО-дағы екінші үлкен армияға ие Түркияның қорғаныс күші соңғы уақытта көптеген еуропалық көшбасшының назарын аударды.