Пентагон басшысы Пит Хегсет Американың Тынық мұхитының шығысында есірткі контрабандасына қатысы бар бір кемеге шабуыл жасағанын мәлімдеді.
Хегсет сәрсенбі күні «X» платформасындағы жазбасында бұл өлімге әкелген кинетикалық шабуылдың террорлық ұйым ретінде танылған топ басқаратын кемеге бағытталғанын айтты.
Министрдің айтуынша, АҚШ-тың барлау қызметі кеменің есірткі тасымалына арналған белгілі бағыт бойымен жүзіп бара жатқанын және есірткі тиелгенін анықтаған.
Хегсет: «Шабуыл кезінде кемеде заңсыз есірткімен айналысқан үш ер адам болған. Шабуыл халықаралық су айдынында жасалды. Үш террорист жойылды, бұл операцияда АҚШ әскерлері зардап шеккен жоқ»,- деді.
Бұл шабуыл Трамп әкімшілігінің «нарко-терроризмімен күрес» науқаны аясында есірткі контрабандасына қатысы бар деп танылған кемелерге жасаған соңғы операциясы болды.
Алайда құқық қорғаушылар мен заң саласының мамандары мұндай операциялардың заңды екендігіне күмән келтіріп, АҚШ-тың есірткі картельдеріне бағытталған шабуылдарының халықаралық құқық бұзушылық болуы мүмкін екенін алға тартуда.
