Үкімет деректеріне сәйкес, бұл көрсеткіш 2018–2020 жылдардағы індет кезіндегі адам шығынынан асып, Конго Демократиялық Республикасы тарихындағы ең көп адам өліміне әкелген Эбола індетіне айналды.
КДР денсаулық сақтау институты соңғы 24 сағатта 101 жаңа жағдай анықталғанын, осылайша науқастар саны 4945-ке жеткенін мәлімдеді.
Аурудың ең жылдам таралған кезеңі тіркелді
БҰҰ жұма күні індеттің әр 30 минут сайын бір адамның өмірін қиып жатқанын ескертті. Қазір вирус елде бұрын-соңды болмаған жылдамдықпен таралуда. КДР-дың 26 уәлаятының алтауында індет тіркелген. 3400-ден астам жағдай індет алғаш анықталған елдің солтүстік-шығысындағы Итури уәлаятында тіркелді.
Көршілес Уганда ел астанасы Кампалада кемінде 20 жағдай анықталғанын хабарлады.
Қазіргі індетке себеп болған сирек кездесетін «Бундибуджо» нұсқасына қарсы әзірге ресми түрде мақұлданған вакцина немесе емдеу тәсілі жоқ.
Дүниежүзілік денсаулық сақтау ұйымы мамыр айында КДР мен Угандадағы жағдайды «денсаулық сақтау саласындағы төтенше жағдай» деп жариялаған еді.
Жануарлардан адамға жұғатын вирус қан, дене сұйықтықтары және вирус жұққан заттар арқылы таралады.
