Біріккен Ұлттар Ұйымының (БҰҰ) Бас Ассамблеясына қатысу үшін АҚШ-қа барады деп күтілген Израиль премьер-министрі Беньямин Нетаньяху наразылықтардан қорқып, сапарын бір күндік етіп жоспарлайтыны және Бас Ассамблеядағы баяндамасынан кейін еліне қайтатыны хабарланды.
Израильдің “Yedioth Ahronoth” газеті АҚШ-қа ұшатын Нетаньяхуның Нью-Йорк мэрі Зохран Мамданидің ұшақтың әуежайда қалуына рұқсат бермейтінінен қауіптеніп, Нью-Йорк “JFK” әуежайының орнына Нью-Джерсидегі әскери әуежайға немесе Ньюарк әуежайына қонатынын хабарлады.
Нетаньяхуның Бас Ассамблеяда сөз сөйлейтін бейсенбі күні Нью-Йоркке жетіп, баяндамасынан кейін кешке еліне қайтатыны атап өтілді.
Хабарда Нетаньяхуның наразылықтардан қорыққандықтан Нью-Йорк сапарын қысқа жоспарлап, қалада қонбауға шешім қабылдағаны алға тартылды.
Нетаньяхуның Техаста жоспарланған Илон Маскпен кездесуінің де тоқтатылғаны айтылған хабарға қарағанда, израильдік дереккөз Маскпен кездесудің үйлестірудегі қиындықтарға байланысты тоқтатылғанын алға тартты.
Нетаньяхуның АҚШ сапары барысында президент Дональд Трамппен кездеспейтіні еске салынған хабарда Нетаньяхуның АҚШ Мемлекеттік хатшысы Марко Рубиомен кездесуі мүмкін екені жеткізілді.
Хабарда сонымен бірге Нетаньяху мен Нью-Йоркте болатын көшбасшылар арасында кездесу ұйымдастыру қиын екені алға тартылды.
“Yedioth Ahronoth” Нетаньяхуның Бас Ассамблеядағы баяндамасы Иранға бағытталатынын және өткен жылы болғандай көптеген ел өкілінің ұйымдасқан түрде залдан шығып кетуіне дайындалып жатқанын жазды.
