Исландияның мемлекеттік каналы “RÚV” Еуропалық хабар тарату одағы Израильдің байқауға қатысуын мақұлданғаннан кейін 2026 жылғы Евровидение ән байқауына қатыспайтынын мәлімдеді.
Израильдің мамыр айында Венада өтетін келесі Евровидение байқауына қатысуына рұқсат берілуі Испания, Нидерланд, Ирландия және Словенияның байқаудан бас тартуына алып келді.
“RÚV” бас директоры Стефан Эйрикссон мәлімдемесінде «Еліміздегі қоғамдық пікірталастардан және EBU-дің өткен аптадағы шешіміне берілген реакциялардан көрініп тұрғандай, RÚV-тің қатысуы ешқандай қуаныш та, тыныштық та әкелмейді», — деді.
Исландия өткен аптада Израильдің қатысуына қатысты дауыс беру өткізуді талап еткен елдердің қатарында болған.
Алайда Еуропалық хабар тарату одағы (EBU) үкіметтердің байқауға ықпал етуіне жол бермеуді көздейтін жаңа ережелер қабылдағанын айтып, Израильдің қатысуы жөнінде дауыс бермеуге шешім қабылдады.
Исландия Евровидение ән байқауында әлі жеңіске жетпеген, бірақ 1999 және 2009 жылдары екінші орын алған. EBU мәліметінше, Евровидение 1956 жылдан бері өткізіліп келеді және оны шамамен 160 миллион көрермен тамашалайды.
