АҚШ Президенті Дональд Трамп «Truth Social» платформасында: “Coca-Cola» компаниясымен АҚШ-та өндірілетін өнімдерінде шын қамыс қанты қолдануы жөнінде сөйлестім, олар бұл ұсыныспен келісті... Бұл әлдеқайда жақсы!" – деп жазды.
Президент бұл шешімге нақты не себеп болғанын түсіндірмеді. Алайда бұл өзгеріс Трамптың сүйікті сусыны диеталық колаға әсер етпейді.
«Coca-Cola» бұл құрам өзгерісін ресми түрде растаған жоқ, бірақ компания "Президент Трамптың біздің аңызға айналған «Coca-Cola» брендіне деген қызығушылығын жоғары бағалаймыз. «Coca-Cola» өнімдерінің жаңа инновациялық нұсқалары туралы жақын арада қосымша ақпарат жарияланатын болады", – деп мәлімдеді.
Трамптың сүйікті сусыны «Diet Coke» құрамында жақында Дүниежүзілік денсаулық сақтау ұйымының қатерлі ісікке қарсы зерттеу бөлімі “онкологиялық әсері болуы мүмкін" деп сипаттаған аспартам атты тәттілендіргіш бар.
Сусын құрамындағы өзгеріс жүгері басты ауылшаруашылық дақылы саналатын және Трампқа айтарлықтай қолдау көрсеткен АҚШ-тың орта батыс штаттарында саяси шиеленістерге себеп болуы мүмкін.
