АҚШ президенті Дональд Трамп БАҚ өкілдерінің күн тәртібіндегі сұрақтарына жауап берді.

Трамп Ресейдің НАТО территориясына қандай да бір шабуыл жасау-жасамауына қатысты пікірталастарға тоқталып, Мәскеудің мұндай қадамға баратынына сенбейтінін атап өтті.

АҚШ президенті бұл мәселеге қатысты сұраққа «(Путинмен) Онымен нәтижелі кездесулер өткіздім. Ол НАТО территориясына шабуыл жасамайды», — деп жауап берді.

Ресей мен Иран арасында «ядролық бағдарламаға» қатысты өткені хабарланған соңғы кездесулерге де пікір білдірген Трамп бұл мәселеде Мәскеуге санкция енгізу мүмкіндігін жоққа шығармады.

Санкцияға қатысты шешімнің «жағдайға байланысты» екенін айтқан АҚШ президенті бұл процесті мұқият қадағалайтындарын білдірді.

Трамп сонымен бірге АҚШ-тың Иранмен тығыз байланыста екені айтылған қытайлық банктерге неліктен санкция салмай жатқаны туралы сұраққа: «Салмағанымды қайдан білесіздер? Жасаған әрбір әрекетімді сіздерге түсіндіріп отыруым керек пе?» — деп жауап берді.