Ресми сапармен 13 мамыр күні Қазақстан астанасы Астанаға келген президент Ердоған маңызды кездесулерін жалғастырып жатыр.
Кеше Тәуелсіздік сарайында Қазақстан президенті Қасым-Жомарт Тоқаевпен жеке кездескен Ердоған Қазақстан–Түркия Жоғары деңгейдегі стратегиялық ынтымақтастық кеңесінің алтыншы отырысына қатысты.
Ортақ баспасөз мәслихатын өткізген екі көшбасшы кейін Қазақстан–Түркия бизнес-форумының жабылу рәсіміне бірге қатысты.
Астанада болған Ердоған таңертең Түркі Мемлекеттері Ұйымының бейресми саммитіне қатысу үшін Астанадан Түркістанға аттанды.
Президент Ердоғанды халықаралық әуежайда Қазақстан премьер-министрі Олжас Бектенов, Түркияның Қазақстандағы елшісі Мұстафа Капуджу және басқа ресми тұлғалар шығарып салды.
Президент Ердоғанмен бірге жұбайы Емине Ердоған және делегация да Түркістанға жол тартты.
