Румыния Қорғаныс министрлігінің мәлімдемесінде елдің Украина шекарасына жақын Тулча өңіріндегі Гринду елді мекенінің орманды аумағына ҰҰА құлағаны айтылды.
Мәлімдемеге сәйкес, радиолокациялық бақылау жүйелері түнгі уақытта Румынияның Украина шекарасына жақын әуе кеңістігінде қозғалыс тіркеген. Жағдайды бақылау үшін Испанияның екі F-18 жойғыш ұшағы әуеге көтерілген.
ҰҰА құлағаннан кейін болған жарылыс пен одан кейін шыққан өрт салдарынан адам шығыны немесе материалдық залал болмағаны хабарланды.
Аймақта бірнеше сағатқа «қызыл дабыл» жарияланғаны айтылды. Сондай-ақ Тулча өңірінде 14 тамызда да бір ҰҰА құлағаны еске салынды.
ҚатыстыTRT Қазақ - Ресей шабуылдарынан Киевте 8 адам қаза тауып, 33 адам жараланды
