Сенбі күні Түркия астанасы Анкарада ұшақ апатында қаза тапқан, ішінде Ливия Бас штабының бастығы армия генералы Мұхаммед Әли әл-Хаддад бар ливиялық әскери делегация мүшелерінің мәйіттерін Ливияға жөнелту алдында қоштасу рәсімі өтті.
Ливия әскери делегациясын тасымалдаған жекеменшік ұшақ 23 желтоқсанда Анкарада құлап, делегацияның бес мүшесі мен үш экипаж мүшесін қосқанда, борттағы сегіз адамның барлығы қаза тапқан болатын.
Рәсім Мүртед әуе базасы қолбасшылығында өтті. Қатысушылар бір минуттық үнсіздікпен құрмет көрсетіп, артынан Құран Кәрім оқылып, қаза тапқандар үшін дұға қылды.
Марқұмдардың есімдері оқылғаннан кейін, ливиялық делегация мүшелерінің мәйіттері ұшақпен Ливияға жөнелтілді.
Рәсімге Түркия Ұлттық қорғаныс министрі Яшар Гүлер, Бас штаб бастығы армия генералы Селчук Байрактароғлу, Құрлық күштері қолбасшысы армия генералы Метин Токел, Әскери-теңіз күштерінің қолбасшысы адмирал Эрджүмент Татлыоғлу, Ливияның Түркиядағы елшісі Мұстафа Элгелаиб, Ливия әскери делегациясының мүшелері мен марқұмдардың отбасылары қатысты.
Қаза тапқандардың арасында Ливия Бас штабының бастығы армия генералы Мұхаммед Әли әл-Хаддад, Ливия Құрлық күштерінің қолбасшысы генерал-лейтенант Футури Грибел, Ливия Әскери зауыттар директоры бригадалық генерал Махмұт Жұма әл-Гитевий, Ливия Бас штабы бастығының кеңесшісі Мұхаммед Ассави және фотограф Мұхаммед Омар Ахмед Махжуб бар. Бас штаб бастығы армия генералы Селчук Байрактароғлу ливиялық әскери делегацияның мәйіттері елдеріне жөнелтілгеннен кейін, сонда өтетін әскери рәсімге қатысу үшін Ливияға аттанды.
